विधानपरिषद निवडणुक : रवी, मुळे, रविकुमार यांना भाजपची उमेदवारी

सुमलतांचा अपेक्षा भंग, मराठा समाजाच्या मुळेनाही संधी

बंगळूर, ता. १: विधानसभेतून विधानपरिषदेत निवडून द्यावयाच्या निवडणुकीसाठी भाजपने आपले तीन उमेदवार जाहीर केले आहेत. माजी मंत्री सी. टी. रवी यांना रिंगणात उतरवले आहे.
भाजपच्या केंद्रीय निवडणूक समितीने तीन उमेदवारांची नावे जाहीर केली, माजी मंत्री सी. टी. रवी, विद्यमान विधान परिषदेचे मुख्य व्हीप एन. रविकुमार आणि माजी आमदार, मराठा विकास महामंडळाचे माजी अध्यक्ष एम. जी. मुळे यांना रिंगणात आणले आहे.
सी. टी. रवी (वक्कलिग), एन. रविकुमार (कोळी समाज), एम. जी. मुळे हे मराठा समाजाचे आहेत. गेल्या विधानसभा निवडणुकीत चिक्कमंगळूर मतदारसंघातून निवडणूक लढवलेले सी. टी. रवी यांना परिषदेच्या निवडणुकीत उमेदवारी देण्यात आली आहे.
लोकसभा निवडणुकीच्या प्रचारादरम्यान माजी मुख्यमंत्री बी. एस. येडियुरप्पा यांनी परिषदेवर निवडून येण्याचे संकेत दिले होते. विधानसभा आणि विधान परिषदेत त्यांना लढावे लागले, मात्र काही कारणांमुळे त्यांचा पराभव झाला. पक्ष लवकरच योग्य दर्जा देईल, असे ते म्हणाले.
आता तीन जागांसाठी उमेदवारांची यादी जाहीर झाली असून एन. रविकुमार यांना आणखी एक संधी देण्यात आली आहे. यावेळी परिषदेच्या निवडणुकीत सुमलता अंबरीश यांना तिकीट दिले जाणार असल्याची चर्चा होती. लोकसभा निवडणुकीत धजदला मंड्या मतदारसंघाचा त्याग केलेल्या सुमलता यांना विधान परिषदेत स्थान देऊन अन्याय दूर केला जाईल, अशी चर्चा पक्ष वर्तुळात होती.
पण आता भाजपने यादी जाहीर केली असून वक्कलिगा समाजातील सी. टी. रवी, मागासवर्गीय एन. रविकुमार आणि संघ परिवारातील मराठा समजाचे मुळे यांना उमेदवार म्हणून निवडले आहे.
विधानसभेत भाजपचे ६५ सदस्य आहेत. त्यामुळे विधानपरिषदेत भाजपचे तीन उमेदवार सहज निवडून येऊ शकतात. एक सदस्य जिंकण्यासाठी १९ मतांची आवश्यकता असल्याने भाजपला तीन जागा मिळतील. सोमवारी उमेदवारी अर्ज सादर करण्याचा शेवटचा दिवस असून, ते विहित वेळेत उमेदवारी अर्ज सादर करतील.