Belgaum Varta Belgaum Varta
बेंगळुरू : लोकायुक्त अधिकारी असल्याचा दावा करून सार्वजनिक बांधकाम विभागाच्या अधिकाऱ्यांना ब्लॅकमेल करणाऱ्या एका आरोपीला बंगळुरू पोलिसांनी अटक केली आहे.
संतोष कोप्पड असे अटक आरोपीचे नाव आहे. संतोष कोप्पड हा मूळचा बेळगावचा असल्याची माहिती आहे. त्याच्यासोबत असलेला आणखी एक बनावट अधिकारी, देशनूर, बैलहोंगल येथील विकास पाटील हा फरार झाला आहे.
हे दोघे लोकायुक्त अधिकारी असल्याचे सांगून सार्वजनिक बांधकाम विभागाच्या अधिकाऱ्यांना बनावट ओळखपत्र दाखवून ब्लॅकमेल करत होते. अधिकाऱ्याच्या तक्रारीच्या आधारे पैसे घेण्यासाठी आलेल्या आरोपी संतोषला अटक करण्यात आली.
