Belgaum Varta Belgaum Varta
बेळगाव : मोटारपंप सुरू करण्यासाठी गेलेल्या युवकाला वीजेचा धक्का बसून तो कृष्णा नदीत पडल्याची घटना रायबाग तालुक्यातील खेमलापूर येथे गुरुवारी सकाळी घडली. या घटनेनंतर युवक बेपत्ता झाला असून, त्याचा शोध घेण्याचे काम सुरू आहे.
बसवराज ऐनापूर असे बेपत्ता झालेल्या युवकाचे नाव आहे. खेमलापूर गावाजवळून वाहणाऱ्या कृष्णा नदीकाठी तो सकाळी मोटारपंप सुरू करण्यासाठी गेला होता. त्यावेळी अचानक वीजेचा धक्का बसल्याने तो नदीत कोसळला.
घटनेची माहिती मिळताच अग्निशमन दलाच्या जवानांनी घटनास्थळी धाव घेतली. नदीत बेपत्ता झालेल्या बसवराजचा शोध घेण्यासाठी शोधमोहीम सुरू करण्यात आली आहे. ही घटना कुडची पोलिस ठाण्याच्या हद्दीत घडली आहे.
