बैलहोंगल येथे कारला दुचाकीची धडक; मुलाचा मृत्यू

बैलहोंगल : सौंदत्ती रोडवरील जालिकोप्पजवळ कारने दुचाकीला धडक दिल्याने एका मुलाचा मृत्यू झाला.
चिवटगुंडी गावातील संदिप सिद्धप्पा मल्लुर (11) असे मृत मुलाचे नाव आहे. दुचाकीस्वार इराप्पा चन्नाबसप्पा बगनाळ (३२) आणि पाठीमागून आलेले शिवाप्पा बसवंतप्पा मल्लूर हे दोघे धारवाडहून बैलहोंगलकडे येत असताना बैलहोंगल ते कित्तूरकडे जाणाऱ्या स्विफ्ट कारला धडक बसली.
या अपघातात समोर बसलेला दुचाकीस्वार शिवप्पा यांचा मुलगा गंभीर जखमी झाल्याने त्याचा मृत्यू झाला. बैलहोंगल पोलिस ठाण्यात गुन्हा दाखल करण्यात आला असून तपास सुरू आहे.