राज्यपाल थावरचंद गेहलोत यांच्याकडून स्व. उमेश कत्ती कुटुंबियांचे सांत्वन

बेळगाव : कर्नाटकचे माननीय राज्यपाल थावरचंद गेहलोत यांनी नुकतेच निधन झालेले मंत्री उमेश कत्ती यांच्या निवासस्थानी जाऊन त्यांच्या कुटुंबियांचे सांत्वन केले.
हुक्केरी तालुक्यातील बेल्लद बागेवाडी येथील उमेश कत्ती यांच्या निवासस्थानी बुधवारी (14 सप्टेंबर) राज्यपालांनी भेट दिली.
यावेळी स्व. उमेश कत्ती यांच्या प्रतिमेस पुष्पहार अर्पण करून आदरांजली वाहिली. यानंतर उमेश कत्ती यांच्या पत्नी शीला कत्ती यांचे त्यांनी सांत्वन केले.
यावेळी राज्यसभा सदस्य इराण्णा कडाडी, माजी खासदार डीसीसी बँकेचे अध्यक्ष रमेश कत्ती आणि मुलगा निखिल कत्ती उपस्थित होते.