Belgaum Varta Belgaum Varta
बेळगाव : भाजप कार्यकर्त्यांनी व्यक्तिनिष्ठा न ठेवता पक्षनिष्ठा ठेवावी, असे भाजपचे राष्ट्रीय सरचिटणीस बी. एल. संतोष म्हणाले.
ते बेळगाव महानगर, ग्रामीण व चिक्कोडी जिल्ह्यातील भारतीय जनता पक्षाच्या कार्यकर्त्यांच्या बैठकीत बोलत होते.
बेळगाव येथील अंगडी अभियांत्रिकी महाविद्यालयात झालेल्या सभेत कार्यकर्त्यांना संबोधित करताना ते म्हणाले की, कार्यकर्त्यांनी पक्षाशी एकनिष्ठ रहा, पक्ष वाढीवर भर द्या कार्यकर्ते ही पक्षाची मोठी ताकद आहे. कार्यकर्त्यांमुळेच पक्ष बळकट झाला आहे. तसेच लोकप्रतिनिधींनी पक्षातील मतभेद दूर करण्यासाठी कार्यकर्त्यांचा आदर राखणे गरजेचे आहे, असेही यावेळी बी. एल. संतोष म्हणाले.
यावेळी कार्यकर्त्यांनी अनेक प्रश्न उपस्थित करून जिल्ह्यातील संघटनात्मक त्रुटीवर प्रकाश टाकल. यावेळी भाजपा जिल्हा अध्यक्ष संजय पाटील, खासदार मंगला अंगडी, खासदार आण्णासाहेब जोल्ले, आमदार शशिकला जोल्ले तसेच सर्व आमदार,खासदार पदाधिकारी व कार्यकर्ते उपस्थित होते.
दरम्यान, ग्रामीण महिला अध्यक्षा व खानापूर भाजपा महिला प्रभारी डॉ. सोनाली सरनोबत यांनी आपण लिहिलेले “आरोग्य मंत्र” हे पुस्तक राष्ट्रीय सरचिटणीस बी. एल. संतोष यांना भेट म्हणून दिले.
