Belgaum Varta Belgaum Varta
बेळगाव : कोवळ्या मुलाचा पतंगाच्या मांजाने बळी घेतल्याची दुर्दैवी घटना आज सायंकाळी बेळगावातील जुने गांधीनगर येथे घडली.
दिवाळी सणानिमित्त बेळगावच्या बाजारपेठेत कपडे खरेदी करून वडगाव येथील मामाच्या घरी भेट देऊन नंतर वडिलांसोबत दुचाकीवरून आपल्या गावी हत्तरगी येथे जाणाऱ्या 6 वर्षीय बालकाचा घातक मांजाने बळी घेतला. गळ्यात पतंगाचा धारदार मांजा लागल्याने तो गंभीर जखमी झाला. ही घटना रविवारी सायंकाळी साडेपाचच्या सुमारास घडली. वर्धन इरण्णा बाली असे या दुर्दैवी बालकाचे नाव आहे. त्या कुटुंबावर मुलाच्या अशा दुर्दैवी मृत्यूने शोककळा पसरली आहे. याप्रकरणी माळमारुती पोलिस ठाण्यात गुन्हा दाखल करण्यात आला आहे.
