समिती शिष्टमंडळाने घेतली खा. सुप्रिया सुळे यांची भेट

बेळगाव : मध्यवर्ती महाराष्ट्र एकीकरण समितीच्या शिष्टमंडळाने काल सोमवारी सकाळी राष्ट्रवादी काँग्रेसच्या लोकसभा खासदार सुप्रियाताई सुळे यांची भेट घेतली. यावेळी येत्या मंगळवार दि. २८ फेब्रुवारी रोजी नियोजित ‘मुंबई चालो’ मोर्चा आणि महाराष्ट्र – कर्नाटक सीमा वादा संदर्भातील विविध ताज्या घडामोडी आणि बेळगाव शहरातील महिला मेळाव्याबद्दल चर्चा केली. मध्यवर्ती महाराष्ट्र एकीकरण समितीचे कार्याध्यक्ष मनोहर किणेकर यांच्या नेतृत्वाखाली खा. सुप्रिया सुळे यांची सिल्वर ओक इस्टेट मुंबई येथे भेट घेणाऱ्या शिष्टमंडळात समितीचे खजिनदार प्रकाश मरगाळे, ऍड. एम. जी. पाटील, जनसंपर्क प्रमुख विकास कलघटगी व इतर पदाधिकारी यांचा समावेश होता.