Belgaum Varta Belgaum Varta
बेळगाव : विधानसभा निवडणुकीनंतर 13 मे रोजी होणारी मतमोजणी प्रक्रिया अत्यंत महत्त्वाची ठरणार आहे. जिल्हाधिकारी नितेश पाटील, जे जिल्हा निवडणूक अधिकारी देखील आहेत, यांनी निवडणूक आयोगाची स्पष्टपणे मार्गदर्शक तत्त्वे जाणून घ्यावीत आणि मतमोजणीबाबत नियमानुसार कार्यवाही करावी, अशा सूचना दिल्या.
कुमार गंधर्व नाट्यगृहात मत मोजणी अधिकारी व कर्मचाऱ्यांसाठी आयोजित प्रशिक्षण कार्यक्रमात ते बोलत होते. मतमोजणी प्रक्रिया व नियम याबाबत मनात कोणताही संभ्रम होता कामा नये. काही शंका असल्यास प्रशिक्षणादरम्यान ती दूर करावी. मतमोजणीच्या दिवशी कोणताही गोंधळ होऊ नये म्हणून काम नीटपणे करावे. कोणतीही अडचण आल्यास घटनास्थळी उपस्थित निवडणूक अधिकाऱ्यांच्या निदर्शनास आणून द्यावे. मतमोजणी हे अत्यंत संवेदनशील काम आहे. परंतु कार्यक्रमात येणाऱ्या प्रत्येक किरकोळ समस्या कशा हाताळायच्या याबाबत सविस्तर मार्गदर्शक तत्त्वे असून, त्या अगोदर जाणून घेणे आवश्यक असल्याचे राज्यस्तरीय निवडणूक प्रशिक्षक प्रा. शिरगावकर यांनी सांगितले.
मतमोजणीसाठी राज्य निवडणूक आयोगाच्या सर्व सूचना स्पष्टपणे समजून घ्याव्यात.मतमोजणीदरम्यान काही अडचण आल्यास तात्काळ तेथील आरओ अधिकाऱ्यांच्या निदर्शनास आणून द्यावे. मतमोजणीच्या शेवटच्या फेरीपर्यंत कोणत्याही कारणास्तव निकालाची माहिती देऊ नये.
EVM मतदान यंत्रांची संपूर्ण माहिती जाणून घ्या. याशिवाय पोस्टल मतांची योग्य प्रकारे ओळख करून त्यांची मोजणी करण्यात यावी, असे राज्य निवडणूक प्रशिक्षकशिरगावकर यांनी सांगितले.त्यांनी ईव्हीएम आणि इतर उपकरणांचा वापर करून मतमोजणीचे प्रात्यक्षिक दिले. याच प्रसंगी निवडणूक निर्णय अधिकारी व मतमोजणी अधिकारी/कर्मचाऱ्यांच्या शंकांचे निरसन करण्याबरोबरच विविध प्रकारच्या प्रश्नांची उत्तरे देऊन त्यांचा गोंधळ दूर करण्यात आला. मतमोजणी प्रशिक्षण बैठकीत सामान्य निरीक्षक, जिल्हा आयुक्त नितेश के. पाटील, जिल्हा पंचायतचे मुख्य कार्यकारी अधिकारी हर्षल भोयर, विविध मतदारसंघाचे निवडणूक निर्णय अधिकारी, नोडल अधिकारी उपस्थित होते.मतमोजणीसाठी नेमलेल्या अधिकारी व कर्मचाऱ्यांच्या प्रशिक्षण कार्यक्रमात सहभाग घेतला.
