माजी नगरसेविकेचे घर जाळण्याचा प्रयत्न! ; पोलिसांत गुन्हा दाखल

बेळगाव : बेळगाव दक्षिण मतदारसंघात भाजपचे उमेदवार निवडून आल्यानंतर काही अतिउत्साही कार्यकर्त्यांनी महाराष्ट्र एकीकरण समितीच्या माजी नगरसेविका सुधा भातकांडे यांच्या घरावर दगड फेकून आणि घरात फटाके फोडले.
अभय पाटील यांची मिरवणूक निघाली असताना होसुर येथील सुधा भातकांडे यांच्या घरावर मिरवणुकीतील काही जणांनी दगडफेक करून सी सी टी व्ही कॅमेरा फोडला. तसेच त्यांच्या घरात फटाके फोडले. यामुळे सुधा भातकांडे यांच्या घरातील साहित्याचे नुकसान झाले आहे. घरातील खुर्ची आणि अन्य साहित्याचे नुकसान झाले आहे. घटना घडल्यावर रमाकांत कोंडूसकर आणि भातकांडे यांनी शहापूर पोलीस स्थानकात जाऊन घडल्या घटनेबद्दल तक्रार नोंदवली आहे. नंतर पोलिसांनी तेथे भेट देऊन बंदोबस्त ठेवला.