Belgaum Varta Belgaum Varta
बेळगाव : तक्रार देण्यासाठी आलेल्या महिलेशी गैरवर्तन केल्याप्रकरणी बेळगाव जिल्ह्यातील संकेश्वर पोलीस स्टेशन पीएसआयला निलंबित करण्यात आले आहे.
संकेश्वर पोलीस स्टेशनचे पीएसआय नरसिंहराजू जे. डी यांना निलंबित करण्यात आले आहे. बेळगाव जिल्हा पोलिस प्रमुख यांच्या आदेशानुसार नरसिंहराजू यांना कर्तव्यात कसूर, अनुशासनहीनता आणि गैरवर्तणूक केल्याबद्दल निलंबित करण्यात आले आहे.
काही दिवसांपूर्वी एक महिला आपल्या पतीविरोधात तक्रार देण्यासाठी संकेश्वर पोलीस स्टेशनमध्ये आली होती. यावेळी पीएसआय नरसिंह राजू यांनी महिलेशी गैरवर्तन तर करत होतेच शिवाय तिचा मोबाईल क्रमांक मिळवून तिला त्रास देत होता. यामुळे संतप्त झालेल्या महिलेने जिल्हा पोलिस प्रमुखांकडे तक्रार केली. त्यानुसार पीएसआय नरसिंह राजू यांना निलंबित करण्यात आले आहे.
