नियती सोसायटीची वार्षिक सर्वसाधारण सभा खेळीमेळीत

बेळगाव : नियती सोसायटीची चौथी वार्षिक सर्वसाधारण सभा हॉटेल मधुबनच्या सभागृहात खेळीमेळीत पार पडली. सभेच्या अध्यक्षस्थानी डॉ.सोनाली सरनोबत होत्या. प्रख्यात उद्योजक आणि लेखक श्री. आनंद गोगटे हे सन्माननीय अतिथी होते.
सर्व संचालक आणि मान्यवरांच्या हस्ते दीपप्रज्वलन करून सभेची सुरुवात झाली.
श्रीमती वरदा हपली यांनी सर्वांचे स्वागत करून पाहुण्यांचा परिचय करून दिला. सोसायटीच्या अध्यक्षा आणि संस्थापिका डॉ. सोनाली सरनोबत यांनी सोसायटीचा विस्तार करण्याची त्यांची दृष्टी आणि तळमळ व्यक्त केली. नंतर ताळेबंद संचालक श्री. गजानन रमणकट्टी यांनी वाचला. नफा-तोट्याचे वाचन वरिष्ठ व्यवस्थापक श्रीमती अनुषा जोशी यांनी केले. 2024-25 या आर्थिक वर्षाच्या अंदाजपत्रकाचा अंदाज व्यवस्थापक श्रीमती दीपा प्रभुदेसाई यांनी मांडला.
ज्येष्ठ सल्लागार श्री. विजय मोरे आणि श्री. रुद्रगौडा पाटील यांनी समाजासाठी भविष्यातील योजनांबद्दल त्यांचे विचार आणि मते मांडली. उपाध्यक्ष भरत राठोड, संचालक डॉ. समीर सरनोबत, रोहित देशपांडे, प्रकाश मुगली, प्रसाद घाडी, अनुप जवळकर उपस्थित होते.

आभार संचालक श्री. भूषण रेवणकर यांनी मानले. किशोर काकडे यांनी सूत्रसंचलन केले.