श्रीराम सेना हिंदुस्थानच्या कार्यकर्त्याचा शिरोडा येथे समुद्रात बुडून मृत्यू

बेळगाव : शिरोडा वेंगुर्ला तालुका, सिंधुदुर्ग जिल्हा वेळागर येथील समुद्रात रविवारी सकाळी आंघोळीसाठी उतरलेल्या बेळगाव येथील श्रीराम सेना हिंदुस्थान संघटनेच्या कार्यकर्त्याचा समुद्राच्या पाण्यात बुडून मृत्यू झाला. विनायक ऊर्फ पप्पू शिंदे (वय 44, रा. गोंधळी गल्ली, बेळगाव) असे त्याचे नाव आहे.

दिवाळीची सुट्टी असल्याने बेळगाव येथील काही मित्र पर्यटनासाठी
सिंधुदुर्गात गेले होते. हे सर्व सकाळी शिरोडा वेळागर येथील
बीचवर पोहोचले. यातील विनायक शिंदे यांचा किनाऱ्यापासून
काही अंतरावरच समुद्रात अंघोळीवेळी पाण्यात बुडून मृत्यू झाला.
पप्पू हा श्रीराम सेना हिंदूस्थानचा धडाडीचा कार्यकर्ता तसेच
समाजसेवक होता.

श्रीराम सेना हिंदूस्थानच्या माध्यमातून कोरोना महामारीत काळात स्वतःचा जीव धोक्यात घालून समाजासाठी दिलेलं योगदान
अमूल्य आहे.