बेळगाव ते पंढरपूर स्पेशल ट्रेन

बेळगाव : कार्तिक एकादशी निमित्त दिनांक 9 नोव्हेंबर 2024 ते 16 नोव्हेंबर 2024 या कालावधीत श्री विठ्ठलाच्या दर्शनासाठी भाविकांची ये-जा सुरळीत व्हावी यासाठी पंढरपूर येथील विशेष रेल्वे बेळगाव मार्गे पंढरपूरला सोडण्यात येणार असल्याची माहिती दक्षिण – पश्चिम रेल्वे विभागाकडून करण्यात आली आहे, असे बेळगाव लोकसभा खासदार जगदीश शेट्टर यांनी सांगितले.

प्रस्तावित कालावधीत, ही गाडी (ट्रेन क्र. ०७३१३) हुबळी येथून सायंकाळी ७:४५ वाजता सुटेल आणि बेळगावला रात्री १०:०५ वाजता पोहोचेल आणि दुसऱ्या दिवशी पहाटे ४:३० वाजता पंढरपूरला पोहोचेल.
त्यानुसार ही गाडी (ट्रेन क्र. ०७३१४) पंढरपूरहून सकाळी ६ वाजता सुटते आणि बेळगावला दुपारी १:१० वाजता पोहोचते आणि त्यानंतर सायंकाळी ४:३० वाजता हुबळीला पोहोचेल.

पंढरपूरच्या श्री विठ्ठल भक्तांनी याचा लाभ घ्यावा, असे आवाहन बेळगावचे खासदार श्री. जगदीश शेट्टर यांनी एका प्रसिद्धी पत्रकाद्वारे केले आहे.