कडोलीत सोमवारी महिला दिन

कडोली : येथील मराठी साहित्य संघ, महिला विभाग, राज्य मराठी विकास संस्था, मुंबई आणि कस्तुरबा महिला मंडळ यांच्यातर्फे सोमवार दि. 10 मार्च रोजी जागतिक महिला दिन साजरा करण्यात येणार आहे. सायंकाळी 5-30 वाजता साहित्य संघाच्या कार्यालयासमोर हा कार्यक्रम होईल.

यावेळी प्रमुख वक्त्या म्हणून संजीवनी फौंडेशनच्या संचालक डॉ. सुरेखा पोटे उपस्थित राहणार आहेत. कार्यक्रमाच्या उदघाटक म्हणून राष्ट्रीय महिला खो -खो संघाच्या प्रशिक्षक, निवड समिती सदस्य आणि टिळकवाडी पोलीस ठाण्याच्या ए. एस. आय. वंदना पाटील -शिंदे आणि पाहुण्या म्हणून संगीता धुडुम उपस्थित राहणार आहेत.
कार्यक्रमाला महिला मंडळे, युवती मंडळे, गावातील सर्व महिलांनी उपस्थित राहावे असे आयोजकांतर्फे कळविण्यात आले आहे.