होळी आणि रमजान सणाच्या पार्श्वभूमीवर मार्केट पोलिसांचे पथसंचलन

बेळगाव : होळी आणि रमजान सणाच्या पार्श्वभूमीवर मार्केट विभागाच्या सहाय्यक पोलीस आयुक्तांच्या (एसीपी) नेतृत्वाखालील पोलीस अधिकारी व कर्मचाऱ्यांच्या पथकाने काल बुधवारी रात्री मार्केट पोलीस ठाण्याच्या व्याप्तीत पथसंचलन करून नागरिकांना दोन्ही सण शांततेत साजरे करण्याचे आवाहन केले.

मार्केट पोलिसांनी काल बुधवारी सायंकाळी खडेबाजार, दरबार गल्ली, खंजर गल्ली, जालगार गल्ली, खडक गल्ली, घी गल्ली, शास्त्री चौक, नाना पाटील चौक वगैरे भागात पथसंचलन करून जनतेला होळी व रमजान सण शांततेत साजरा करण्याचे आवाहन केले.