Belgaum Varta Belgaum Varta
बेळगाव : चिक्कबळ्ळापूर येथील एम. व्ही. जिल्हा अंतर्गत क्रीडांगण स्टेडियममध्ये सार्वजनिक शिक्षण विभागातर्फे 17 वर्षाखालील विद्यार्थ्यांसाठी घेण्यात आलेल्या राज्यस्तरीय कराटे स्पर्धेत बेळगाव जिल्हा कराटे संघटनेच्या मन्नूर व गोजगे शाखेच्या विद्यार्थ्यांनी उल्लेखनीय कामगिरी केली.
या स्पर्धेत सुवर्णपदक पटकावणाऱ्या रोशनी बामणे हिचा प्रमाणपत्र व पदक देऊन सन्मान करण्यात आला असून तिला राष्ट्रीय कराटे स्पर्धेसाठी निवड झाली आहे.
कराटे प्रशिक्षक विनायक दंडकर यांच्या मार्गदर्शनाखाली रोशनी बामणे -32 किलो गटात साडेतीन वर्षांपासून सातत्याने प्रशिक्षण घेत आहे.
बेळगाव जिल्हा स्पोर्ट्स कराटे असोसिएशनचे अध्यक्ष गजेंद्र काकतीकर तसेच खजिनदार दीपक काकतीकर यांचेही मार्गदर्शन तिला लाभले.
