Thursday , June 20 2024
Breaking News

‘काश्मीर फाईल्स’च्या वादात संजय राऊतांची उडी; काढली ‘बेळगाव फाईल्स’

Spread the love

मुंबई : शिवसेनेचे खासदार संजय राऊत यांनी नुकतंच एक नवं ट्विट केलं आहे. काश्मीर फाईल्स या चित्रपटावरून सध्या वाद सुरु आहे. या चित्रपटावरून दोन वेगवेगळे गट पडले असून, अनेकांनी दिग्दर्शक विवेक अग्निहोत्री यांच्यावर टीका केली आहे. तर अनेकांनी या चित्रपटाचं जोरदार कौतूक केलं आहे. त्यातच आता शिवसेना खासदार संजय राऊत यांनी “बेळगाव फाईल्स…” या मथळ्यासह व्यंगचित्र शेअर केलं आहे.

संजय राऊत यांनी या व्यंगचित्रामध्ये बेळगाव फाईल्स काय कमी भयानक आहेत? असा सवाल देखील उपस्थित केला आहे. या व्यंगचित्रात त्यांनी भाषिक गळचेपी, लोकशाहीचा खून, मराठी तरूण असे मुद्दे उपस्थित केले आहेत. त्यामुळे काश्मीर फाईल्स यावर भाजप नेमकं काय उत्तर देणार हे पाहणं महत्वाचं ठरणार आहे.
दरम्यान, काश्मीर फाईल्स चित्रपटाच्या वादावर अनेक राजकीय नेत्यांनी आपलं मत व्यक्त करताना हा चित्रपट म्हणजे उजव्या विचारसरणीचा प्रचार असल्याचं म्हटलं आहे. तर अनेक भाजप शासित राज्यांमध्ये हा चित्रपट टॅक्स फ्री करण्यात आला आहे. राज्यातील भाजप सरकारने देखील काश्मीर फाईल्स हा चित्रपट टॅक्स फ्री करावा अशी मागणी केली होती. मात्र राज्याचे गृहमंत्री दिलीप वळसे पाटील यांनी या विषयावर विधानसभेत बोलताना स्पष्ट केलं की, हा चित्रपट राज्यात करमुक्त करता येणार नाही.

About Belgaum Varta

Check Also

ऊसाची थकबाकी अदा करण्यासाठी साखर कारखान्यांना २५ जूनपर्यंत मुदत

Spread the love  बेळगाव : जिल्ह्यातील साखर कारखान्यांना २५ जूनपर्यंत शेतकऱ्यांच्या ऊसाची थकीत बिले अदा करण्याच्या …

Leave a Reply

Your email address will not be published. Required fields are marked *