सायबर गुन्हेगारी रोखण्यासाठी शनिवारी जनजागृती सभा

बेळगाव : सायबर गुन्हेगारांकडून ज्येष्ठ नागरिकांना लुटण्याच्या प्रकरणात दिवसेंदिवस वाढ होत असून यावर जनजागृती करणे व ज्येष्ठ नागरिकांनी कोणती सावधानता बाळगावी यासंदर्भात बेळगाव जिल्हा ज्येष्ठ नागरिक सोसायटी व पोलीस आयुक्त कार्यालय यांच्यावतीने शनिवार दि. 28 रोजी जनजागृती सभेचे आयोजन करण्यात आले आहे.
मंगळवार पेठ टिळकवाडी येथील सामर्थ्य मंदिराच्या सभागृहात (बालिका आदर्श विद्यालयाच्या जवळ) सायंकाळी 4 वाजता होणाऱ्या जनजागृती सभेत पोलीस आयुक्त भूषण गुलाबराव बोरसे व सायबर गुन्हा शाखेचे सहायक पोलिस आयुक्त श्री मंतेरो मार्गदर्शन करणार आहेत. तरी ज्येष्ठ नागरिकांनी या सभेस वेळेवर उपस्थित रहावे, असे आवाहन अध्यक्ष विश्वास धुराजी यांनी केले आहे.