कारदगा येथील पीर बंगाली ऊरुसातील शर्यतीत अजित गावडे यांची बैलगाडी प्रथम

निपाणी (वार्ता) : कारदगा येथील पीर बंगाली ऊरुसातील शर्यतीत अजित गावडे यांच्या बैलगाडीने प्रथम क्रमांक पटकावून १५ हजार एक रुपयाचे बक्षीस व निशान मिळवले. येथील रेंदाळ रस्त्यावर या शर्यती घेण्यात आल्या. यात्रा कमिटी पदाधिकारी व मान्यवरांच्या हस्ते या शर्यतीचे उद्घाटन करण्यात आले.
जनरल बैलगाडी शर्यतीमध्ये राहुल यादव- विकास कोरे यांच्या गाड्यांनी अनुक्रमे द्वितीय आणि तृतीय क्रमांकाची १० हजार एक रुपये आणि ७ हजार एक रुपयांची बक्षिसे मिळवली. घोडा गाडी शर्यतीमध्ये नितीन हुक्केरी, शरद खुबन्नावर आणि बानु नैना प्रेमी घोडा गाड्यांनी अनुक्रमे प्रथम ते तृतीय क्रमांकाची ९ हजार एक रुपये, ७ हजार एक रुपये आणि ५ हजार एक रुपयांची बक्षीसे मिळविली. घोडा- बैलगाडी शर्यतीमध्ये बंडू जाधव, सागर आवन्नावर आणि ऋषिकेश आरगे यांच्या गाड्यांनी अनुक्रमे प्रथम ते तृतीय क्रमांकाची ९ हजार एक रुपये, ७ हजार एक रुपये आणि ५ हजार एक रुपयांची बक्षीसे पटकवली. घोडेस्वार शर्यतीमध्ये शरद खूबणावर, रेंदाळ मेजर आणि गणेश चव्हाण यांनी प्रथमच तृतीय क्रमांकाची ३ हजार ५००,२ हजार ५०० आणि १ हजार ५०० रुपयांची बक्षिसे मिळवली. सर्व विजेत्यांना ग्रामपंचायत जवळील पीर बंगाली पुरुष कमिटी कार्यालयासमोर उरुस कमिटी अध्यक्ष अरविंद खराडे व पदाधिकाऱ्यांच्या हस्ते बक्षीस देऊन गौरविण्यात आले. शर्यती पाहण्यासाठी कारदगा आणि परिसरातील शर्यती शौकिनांनी गर्दी केली होती. शर्यती यशस्वी करण्यासाठी उरूस कमिटी, विविध मंडळाचे पदाधिकारी आणि ग्रामस्थांचे सहकार्य लाभले.