मध्यवर्ती शिवजयंती उत्सव मंडळातर्फे शिवजयंती साजरी

बेळगाव : “छत्रपती शिवाजी महाराज की जय, जय भवानी, जय शिवाजी”च्या जयघोषात मध्यवर्ती सार्वजनिक श्री शिवजयंती उत्सव मंडळातर्फे आज शहापूर येथील छ. शिवाजी उद्यानामध्ये शिवरायांच्या मूर्तीचे पूजन व अभिवादन करत शिवजयंती अत्यंत उत्साहात भक्तीभावाने साजरी करण्यात आली.

विविध गड किल्ल्यांवरून आणलेल्या शिवज्योतींचे आज रविवारी सकाळी धर्मवीर संभाजी चौक येथे स्वागत केल्यानंतर मध्यवर्ती सार्वजनिक श्री शिवजयंती उत्सव महामंडळातर्फे शहापूर येथील छ. शिवाजी उद्यानामध्ये शिवजयंती कार्यक्रमाचे आयोजन करण्यात आले होते. यावेळी उद्यानातील शिवरायांच्या सिंहासनारूढ मूर्तीला अभिषेक घालण्याबरोबरच पुष्पहार घालून विधिवत पूजन करण्यात आले. मध्यवर्ती शिवजयंती उत्सव मंडळाचे अध्यक्ष अंकुश केसरकर, मध्यवर्ती म. ए. समितीचे अध्यक्ष प्रकाश मरगाळे, समिती नेते रमाकांत कोंडुस्कर, भाजप नेते महांतेश कवटगीमठ, भाजप नेते शंकरगौडा पाटील, किरण जाधव, ॲड. मुरुगेंद्रगौडा पाटील आदी मान्यवरांनी मूर्तीला पुष्पहार अर्पण करून शिवरायांना अभिवादन केले.

कार्यक्रमास माजी नगरसेवक नेताजी जाधव, माजी महापौर मालोजी अष्टेकर, माजी महापौर सरिता पाटील, माजी उपमहापौर रेणू किल्लेकर, पोलीस उपायुक्त नारायण बरमनी, रमेश पावले, विकास कलघटगी, ऍड. अमर येळ्ळूरकर, शिवानी पाटील, उमेश पाटील, किरण हुद्दार, गणेश दड्डीकर, हिरालाल चव्हाण, अनिल अंबरोळे, बाबू कोले, माजी नगरसेवक राजू बिर्जे, पी. जे. घाडी आदींसह मध्यवर्तीय सार्वजनिक श्री शिवजयंती उत्सव महामंडळाचे पदाधिकारी सदस्य भाजप पदाधिकारी सदस्य, बालगोपाळ आणि बहुसंख्य शिवप्रेमी उपस्थित होते.