हातात तलवार घेऊन फिरणाऱ्या संशयिताला अटक

बेळगाव : शहरात बेकायदेशीर कृत्य करणाऱ्यांविरुद्ध पोलिसांनी कारवाई सुरू केली आहे. माळमारुती पोलीस ठाण्याच्या व्याप्तीत शस्त्र घेऊन फिरणाऱ्या एका संशयिताला पोलिसांनी ताब्यात घेतले आहे.

१३ मे २०२६ रोजी बेळगाव शहर आणि ग्रामीण उपविभागात राबवलेल्या विशेष मोहिमेदरम्यान ही अटक करण्यात आली. माळमारुती पोलीस ठाण्याच्या हद्दीतील मारुती नगर तिसऱ्या क्रॉस जवळ ही घटना घडली. लालूखान बाबुखान पठाण हा व्यक्ती बेकायदेशीरपणे तलवार बाळगून लोकांमध्ये भीती निर्माण करत असल्याचे पीएसआय पी. एम. मोहिते आणि कर्मचाऱ्यांच्या निदर्शनास आले. पोलिसांनी त्याला तातडीने ताब्यात घेतले आहे.संशयिताविरुद्ध आर्म्स ॲक्ट आणि कर्नाटक पोलीस कायद्यांतर्गत गुन्हा दाखल करण्यात आला आहे. या कारवाईबद्दल पोलीस आयुक्त आणि डीसीपी यांनी पोलीस पथकाचे कौतुक केले आहे.