Belgaum Varta Belgaum Varta
उचवडे : उचवडे (ता. खानापूर) येथील महात्मा जोतिबा फुले सार्वजनिक वाचनालयाच्या वतीने बेळगावचे उप वनसंरक्षक (डीसीएफ) एस. एस. निंगाणी यांचा हृद्य सत्कार करण्यात आला. वाचनालयाचे अध्यक्ष शिवाजी हसनेकर यांच्या हस्ते शाल व पुष्पगुच्छ देऊन निंगाणी यांचा गौरव करण्यात आला.
एस. एस. निंगाणी हे 42 वर्षांच्या प्रदीर्घ सेवेनंतर निवृत्त झाले आहेत. त्यांनी जांबोटी आणि कणकुंबी परिसरात सेवा बजावताना उल्लेखनीय कार्य केले. आपल्या कर्तव्यनिष्ठ व कार्यक्षम सेवेमुळे त्यांनी या भागातील जनमानसात वेगळी ओळख निर्माण केली. त्यांच्या या उल्लेखनीय सेवाकार्याबद्दल महात्मा फुले वाचनालयाच्या वतीने हा सत्कार करण्यात आला.
यावेळी युवा कार्यकर्ते विठ्ठल पाटील यांच्यासह वाचनालयाचे पदाधिकारी व नागरिक उपस्थित होते.
