हारूगेरीजवळ भीषण अपघात; दोघांची प्रकृती गंभीर

 

बेळगाव : कार आणि दुचाकीची समोरासमोर धडक होऊन झालेल्या भीषण अपघातात दुचाकीवरील दोघे जण गंभीर जखमी झाल्याची घटना रायबाग तालुक्यातील कोळीगुड्ड गावाच्या हद्दीत घडली.

अथणी–गोकाक मुख्य मार्गावरील कोळीगुड्ड गावाजवळ हा अपघात झाला. हारूगेरी येथील दुचाकीस्वार या अपघातात गंभीर जखमी झाले. अपघातानंतर दोघेही रस्त्यावर रक्ताच्या थारोळ्यात पडले होते. स्थानिक नागरिकांनी तातडीने त्यांना उपचारासाठी रुग्णालयात दाखल केले.

या अपघातात कारचालकाच्या निष्काळजीपणामुळे दुर्घटना घडल्याचा प्राथमिक आरोप करण्यात येत आहे. हारूगेरी पोलिस ठाण्याच्या हद्दीत ही घटना घडली असून, पोलिसांकडून अधिक तपास सुरू आहे.