बैलहोंगलजवळ भीषण अपघात : दोघांचा मृत्यू

बेळगाव : सोमवारी रात्री बैलहोंगल-इंचळ रस्त्यावर झालेल्या दुचाकीस्वारांच्या धडकेत दोघांचा जागीच मृत्यू झाला, तर चार जण गंभीर जखमी झाले.
मृत व जखमी हे मुतवाड व व्हन्नूर येथील ग्रामस्थ असल्याची माहिती आहे. मात्र अधिक माहिती मिळू शकलेली नाही.
पोलिस सूत्रांनी सांगितले की, प्रत्येकी दोन दुचाकींवर तीन जण स्वार होते.
पोलीस निरीक्षक पंचाक्षरी सालीमठ, पीएसआय एफ. आय. मल्लुर यांनी भेट देऊन पाहणी केली. जखमींना उपचारासाठी सार्वजनिक रुग्णालयात दाखल करून पुढील उपचारासाठी बेळगावला हलविण्यात आले असल्याचे समजते.