होळी व रंगोत्सवाच्या पार्श्वभूमीवर शहर-तालुक्यात दोन दिवस दारूबंदी

बेळगाव : होळी व रंगोत्सवाच्या पार्श्वभूमीवर बेळगाव शहर व तालुक्यात दोन दिवस दारूविक्री बंदीचा आदेश जारी करण्यात आला आहे. पोलीस आयुक्त इडा मार्टिन मार्बनिंग यांनी यासंबंधीचा आदेश जारी केला आहे.
बेळगाव शहर व उपनगरात रविवार दि. २४ मार्चच्या दुपारी २ पासून सोमवारी २५ मार्चच्या मध्यरात्री ११.५९ पर्यंत वाईन शॉप, बार, दारू दुकाने बंद ठेवण्याचा आदेश बजावण्यात आला असून, क्लब व हॉटेलमध्येही या काळात दारूपुरवठा करू नये, अशी सूचना केली आहे. या आदेशाचे पालन न करणाऱ्यांवर अबकारी कायद्यांतर्गत कारवाई करण्याचा इशाराही पोलीस आयुक्तांनी दिला आहे. अबकारी निरीक्षक व अबकारी अधीक्षकांनी यासाठी योग्य कारवाई करण्याची सूचनाही पोलीस आयुक्तांनी केली आहे.