पंतप्रधान नरेंद्र मोदी यांचे बेळगावात आगमन

बेळगाव : लोकसभा निवडणुकीच्या प्रचारासाठी पंतप्रधान नरेंद्र मोदी यांचे शनिवारी रात्री बेळगावात आगमन झाले.

जगदीश शेट्टर आणि अण्णासाहेब जोल्ले यांच्यावतीने प्रचारासाठी आलेल्या नरेंद्र मोदी यांचे सांबरा विमानतळावर स्वागत करण्यात आले. नंतर मोदी सांबरा विमानतळावरून काकतीजवळ अण्णासाहेब जोल्ले यांच्या मालकीच्या आयटीसी वेलकम हॉटेलमध्ये त्यांचे वास्तव्य आहे. पहिल्यांदाच बेळगावात मुक्कामी असलेल्या पंतप्रधान मोदींसाठी विविध प्रकारचे पदार्थ तयार करण्यात आले आहेत. उद्या सकाळी ते येडीयुरप्पा मार्गावरील मालिनी सिटी मैदानावरून जनतेला संबोधित करतील.