बसवन कुडची-बागलकोट मार्गावर पूर; दवाखान्यात पाणी शिरले

बेळगाव : मुसळधार पावसाने बेळगावातील जनजीवन विस्कळीत झाले आहे. बेळगाव तालुक्यातील बसवनकुडची गावात पूरस्थिती निर्माण झाली आहे.
बेळगाव तालुक्यातील बसवनकुडची गावात मुसळधार पावसाने मोठी आपत्ती निर्माण केली आहे. मुसळधार पावसामुळे आजूबाजूला मोठ्या प्रमाणात पाणी साचले असून बागलकोट रस्ता पाण्याखाली गेला आहे. येथील दवाखाना आणि दुकानांमध्ये पुराचे पाणी घुसून नुकसान झाले आहे. आजूबाजूला असलेल्या पाण्यामुळे लोकांना ये-जा करणे कठीण झाले आहे. बागलकोट रस्त्याचे बांधकाम व नाल्यांचे बांधकाम न केल्याने ही समस्या निर्माण झाल्याचा आरोप स्थानिकांनी केला आहे. पावसाचे पाणी पुढे वाहत नसल्याने जनजीवन विस्कळीत झाले आहे.