बालिकेवर अत्याचाराचा प्रयत्न : नागरिकांनी दिला नराधमाला चोप

बेळगाव : घरी सोडण्याच्या बहाण्याने मुलीला निर्जनस्थळी नेऊन अल्पवयीन बालिकेवर अत्याचाराचा प्रयत्न केल्याची घटना बेळगाव जिल्ह्यातील रायबाग येथे घडली.

बालिकेने आरडाओरडा करताच नागरिकांनी धाव घेत नराधमास पकडून नागरिकांनी बेदम मारहाण केली. सुनील दीपाले याने 12 वर्षीय बालिकेला घरी सोडण्याच्या बहाण्याने दुचाकीवरून निर्जनस्थळी नेले. बालिकेची आरडाओरडा ऐकून स्थानिकांनी घटनास्थळी धाव घेत नराधमास पकडून बेदम मारहाण केली.  याप्रकरणी रायबाग पोलिस ठाण्यात गुन्हा दाखल करण्यात आला आहे.