Monday , July 22 2024
Breaking News

हर्षच्या हत्येच्या निषेधार्थ श्रीराम सेनेची बेळगावात निदर्शने

Spread the love

बेळगाव : शिमोगा येथे हिंदुत्ववादी संघटनेचा कार्यकर्ता हर्ष याच्या हत्येच्या निषेधार्थ श्रीराम सेनेच्या कार्यकर्त्यांनी आज बेळगावात जिल्हाधिकारी कार्यालयासमोर निदर्शने केली.
दोन दिवसांपूर्वी शिमोगा येथे हिंदुत्ववादी संघटनेचा कार्यकर्ता हर्ष याची समाजकंटकांनी भीषण हत्या केली होती. त्याचे राज्यभरात तीव्र पडसाद उमटले आहेत. बेळगावातही मंगळवारी श्रीराम सेनेच्या कार्यकर्त्यांनी हत्येचा निषेध करत, मारेकऱ्यांना अटक करण्याच्या मागणीसाठी जिल्हाधिकारी कार्यालयासमोर जोरदार निदर्शने केली.
यावेळी प्रसारमाध्यमांशी बोलताना श्रीराम सेनेचे जिल्हाध्यक्ष रवी कोकितकर म्हणाले, कर्नाटकासारख्या प्रगत राज्यात समाजासाठी काम करणाऱ्या ५ हिंदुत्ववादी कार्यकर्त्यांची हत्या झाली आहे हे निषेधार्ह आहे. या घटना राज्य सरकारने गांभीर्याने घ्याव्यात. या हत्यांच्या मागे असलेल्या मुस्लिम संघटनांवर बंदी घालावी. हर्षच्या हत्येत सहभागी असलेल्यांवर कडक कारवाई करावी, अशी मागणी त्यांनी केली. एकंदर हर्षच्या हत्येवरून राज्यातील वातावरण ढवळून निघाले आहे. बेळगावातही श्रीराम सेनेने त्याच्या मारेकऱ्यांना अटक करून मागे असलेल्या संघटनांवर बंदी घालण्याची मागणी केली आहे.

About Belgaum Varta

Check Also

माधुरी जाधव फाउंडेशन यांच्या माध्यमातून अपंग मुलीला सायकलचे वितरण

Spread the love  बेळगाव : आनंदवाडी येथे वास्तव्यास असणाऱ्या किशोरी पवार यांची 9 वर्षीय कन्या …

Leave a Reply

Your email address will not be published. Required fields are marked *