Belgaum Varta Belgaum Varta
बेळगाव : बेळगाव तालुक्यात संततधार सुरूच असून आज सोमवार दि. 7 रोजी सकाळी 7 वाजता बिजगर्णी, कलमेश्वर गल्ली येथील वसंत कृष्णा पाटील यांच्या घराची भिंत कोसळली. सुदैवाने त्यामध्ये कोणतीही जीवितहानी झाली नाही. गेल्या पंधरा दिवसांपासून बेळगाव तालुका परिसरात जोरदार पाऊस पडत आहे. काल रविवारी रात्री मुसळधार पाऊस बरसत होता. यामध्ये या घराची २५ फुट लांबीची विटा-मातीची भिंत कोसळली. मात्र, या कुटुंबीयांचा संसार उघड्यावर आला आहे. उर्वरीत भिंत कोसळण्याची शक्यता नाकारता येत नाही. संबंधित यंत्रणेने घटनास्थळी भेट देऊन पाहणी करावी, अशी मागणी या गरीब कुटुंबीयाने केली आहे. याप्रकरणी संबंधित यंत्रणेने पाहणी करून नुकसानभरपाईचा प्रस्ताव वरिष्ठांकडे सादर करावा, अशी मागणी गावकऱ्यांनी केली आहे.
