नागरदळे येथील एकनाथ हदगल यांना मुंबई रत्न पुरस्काराने राज्यपालांच्या हस्ते सन्मान

तेऊरवाडी (एस. के. पाटील) : नागरदळे (ता. चंदगड) येथील सुपुत्र एकनाथ तुकाराम हदगल (मुंबईस्थित युवा उद्योजक) यांना कोविड -१९ या जागतिक महामारीमध्ये मोलाची कामगीरी केल्याबद्दल महाराष्ट्राचे राज्यपाल महामहीम भगतसिंग कोश्यारी यांच्याहस्ते राजभवन मुंबई येथे *“मुंबई रत्न”* हा पुरस्कार देऊन गौरवण्यात आले. चंदगड तालुक्यातील नागरदळेच्या या एकनाथ हदगल यांचे कार्य अभिमानास्पद आहे. “एक हाती मदत” या उपक्रमात त्यांनी सिंहाचा वाटा उचलून आपल्या मुंबईतील लोकांना लाखमोलाचे सहकार्य केले. याची दखल राज्यपालांनी घेणे फार मोठे कौतुकास्पद आहे. नागरदळे गावचे नाव राज्यपालापर्यंत पोहचवून व मोठे करून मानाचा तुरा रोवल्याबद्दल चंदगड तालुक्यात आनंदाचे, वातावरण आहे. एकनाथ हदलग यांचे संपूर्ण चंदगडवासियानी अभिनंदन केले आहे.