जुमनाळला जुगार अड्ड्यावर छापा, सात जणांना अटक

जुमनाळ (ता.बेळगाव) : येथील जुगार अड्ड्यावर छापा टाकून सात जुगाऱ्यांना अटक करण्यात आली आहे. सदर कारवाई शुक्रवारी काकती पोलिसांनी केली आहे. सदर कारवाई दरम्यान 15 हजार 450 रुपयांची रोकड व जुगाराचे साहित्य जप्त करण्यात आले आहे.
दुर्गाप्पा अंकलगी, फकीराप्पा नायक, लगमाण्णा नायक, बाळू नायक, सचिन पणगुती, बाकाप्पा माशानटी, लगमंना नायक अशी अटक करण्यात आलेल्या जुगाऱ्यांची नावे आहेत. जुमनाळ येथील दुर्गा माता मंदिराजवळ जुगार खेळला जात आहे अशी माहिती पोलिस निरीक्षक राघवेंद्र वर यांना मिळाली होती. त्यानुसार त्यांनी आपल्या सहकाऱ्यांसमवेत छापा टाकून सदर कारवाई केली आहे.