Belgaum Varta Belgaum Varta
बेळगांव : श्री स्वामी समर्थ सेवा अध्यात्मिक विकास आणि बाल विकास केंद्र, शाखा बेळगाव यांच्यावतीने देश-विदेश अभियानाच्या वतीने राष्ट्रीय सत्संग आणि संस्कार अभियान आयोजित करण्यात आले आहे. बुधवार दि. 27 मे रोजी श्री बनशंकरी मंगल कार्यालय सपार गल्ली वडगाव येथे हा कार्यक्रम होणार आहे. या विशेष कार्यक्रमासाठी गुरुपुत्र सन्माननीय नितीनभाऊ मोरे यांची दिव्य उपस्थिती लाभणार आहे. सकाळी आठ वाजेपासून विविध कार्यक्रम होणार आहेत. सेवा मार्गाद्वारे विनामूल्य राबवल्या जाणाऱ्या विविध उपक्रमांची माहिती आणि मार्गदर्शन यामध्ये देण्यात येणार आहे. यामध्ये नागरिकांना सहभागाचे आवाहन करण्यात आले आहे.
