बेळगावचे ज्येष्ठ पत्रकार छायाचित्रकार पी. के. बडीगेर यांना “कर्नाटक छाया रत्न” पुरस्कार

बेळगाव : गेल्या २५ वर्षांपासून पत्रकारिता क्षेत्रात अविरतपणे कार्यरत असलेले बेळगावचे ज्येष्ठ पत्रकार छायाचित्रकार पी. के. बडीगेर यांना “कर्नाटक छाया रत्न” पुरस्कार जाहीर करण्यात आला आहे. हा पुरस्कार १२ जून रोजी सकाळी १० वाजता बंगळूरु येथील पॅलेस ग्राऊंड्समधील त्रिपुरा वासिनी येथे होणाऱ्या आंतरराष्ट्रीय स्तरावरील ‘फोटो टुडे’ प्रदर्शनात प्रदान केला जाईल.

पी. के. बडीगेर यांनी आपल्या छायाचित्रांच्या माध्यमातून सर्वसामान्य लोकांच्या समस्या, सामाजिक घटना, राजकीय घडामोडी आणि विविध क्षेत्रांतील क्षण प्रभावीपणे चित्रित केले आहेत. त्यांच्या या सेवेच्या सन्मानार्थ हा सन्मान दिला जात आहे.