Belgaum Varta Belgaum Varta
बेळगाव : मध्यवर्ती महाराष्ट्र एकीकरण समितीच्या वतीने २२ जून रोजी आयोजित करण्यात आलेल्या कन्नड सक्तीविरोधी महामोर्चाच्या जनजागृतीसाठी येळ्ळूर येथे शुक्रवारी भव्य मशाल मोर्चाचे आयोजन करण्यात आले. शेकडो कार्यकर्त्यांच्या सहभागामुळे परिसर घोषणांनी दणाणून गेला.
येळ्ळूर महाराष्ट्र एकीकरण समितीचे नवनिर्वाचित अध्यक्ष वामन पाटील तसेच प्रमुख नेते रमाकांत कोंडुस्कर आणि प्रकाश अष्टेकर यांच्या नेतृत्वाखाली हा मशाल मोर्चा काढण्यात आला. शिवसेना चौकातून सुरू झालेली ही रॅली महाराष्ट्र चौकापर्यंत उत्साहात पार पडली.
मोर्चादरम्यान उपस्थित नेत्यांनी सीमाभागातील मराठी भाषिकांच्या हक्कांबाबत भूमिका मांडत विविध घोषणा दिल्या. तसेच प्रस्तावित महामोर्चात मोठ्या संख्येने सहभागी होण्याचे आवाहनही करण्यात आले.
या मशाल मोर्चात महाराष्ट्र एकीकरण समितीचे शेकडो कार्यकर्ते आणि स्थानिक नागरिक सहभागी झाले होते. आगामी २२ जूनच्या महामोर्चाच्या पार्श्वभूमीवर सीमाभागातील वातावरण चांगलेच तापू लागल्याचे चित्र दिसून येत आहे.
