Belgaum Varta Belgaum Varta
बेळगाव : बेळगावसह राज्यातील तीन महापालिकांची निवडणूक जाहीर झाली. राज्य निवडणूक आयोगाने ११ ऑगस्ट रोजी याबाबतची अधिसूचना जारी केली आहे. महापालिकेसाठी ३ सप्टेंबर रोजी मतदान होणार आहे. महापालिका निवडणूक कधी होणार याची प्रतीक्षा बेळगांवकरांना लागून राहिली होती, ती प्रतीक्षा आता संपली आहे.
निवडणूक आयोगाने वेळापत्रक जाहीर केले आहे. त्यानुसार १६ ऑगस्ट रोजी जिल्हाधिकारी या निवडणुकीची अधिसूचना जारी करतील. या निवडणुकीसाठी उमेदवारी अर्ज दाखल करण्याची अंतिम तारीख २३ ऑगस्ट आहे. २४ ऑगस्ट ही अर्ज पडताळणीची तारीख असून २६ ऑगस्ट रोजी अर्ज माघारी घेता येणार आहेत. ३ सप्टेंबर रोजी मतदान होणार असुन ६ सप्टेंबर रोजी मतमोजणी होणार आहे.
