Sunday , November 22 2026
Breaking News

वंटमुरी कॉलनी, बसवन कुडची येथे दोन अंगणवाडी केंद्रांच्या बांधकामाला प्रारंभ

Spread the love

 

बेळगाव : बेळगाव उत्तर मतदारसंघाचे आमदार आसिफ (राजू) सेठ यांच्या हस्ते वंटमुरी कॉलनी आणि बसवन कुडची येथे दोन नवीन अंगणवाडी केंद्रांच्या बांधकामाला प्रारंभ करण्यात आला. बालकांना चांगल्या शैक्षणिक सुविधा व आवश्यक पायाभूत सुविधा उपलब्ध करून देण्याच्या उद्देशाने ही कामे हाती घेण्यात आली आहेत.

यावेळी युवा नेते अमान सेठ यांच्यासह अंगणवाडी कर्मचारी आणि स्थानिक नागरिक उपस्थित होते.

यावेळी बोलताना आमदार राजू सेठ म्हणाले की, शिक्षणाला नेहमीच प्राधान्य असून, बालकांसाठी सकारात्मक व पोषक वातावरण निर्माण करण्यासाठी चांगल्या पायाभूत सुविधांची आवश्यकता आहे. लहान वयातच मुलांच्या शैक्षणिक विकासाची भक्कम पायाभरणी होण्यासाठी सुरक्षित, योग्य आणि सुसज्ज शैक्षणिक सुविधा उपलब्ध करून देणे महत्त्वाचे आहे.

बेळगाव उत्तर मतदारसंघातील शैक्षणिक पायाभूत सुविधा अधिक सक्षम करण्यासाठी यापुढेही आवश्यक ती कामे हाती घेतली जातील, असेही त्यांनी सांगितले.

दरम्यान, आपल्या परिसरातील बालकांसाठी चांगल्या सुविधा उपलब्ध होणार असल्याने स्थानिक नागरिकांनी या उपक्रमाचे स्वागत केले.

About Belgaum Varta

Check Also

बेळगावात मटका जुगार अड्ड्यांवर पोलिसांचे छापे; चौघांना अटक

Spread the love  ९,८०० रुपये रोख आणि जुगाराचे साहित्य जप्त बेळगाव : शहरातील अवैध मटका …

Leave a Reply

Your email address will not be published. Required fields are marked *