Sunday , November 22 2026
Breaking News

महांतेश कवटगीमठ यांना २०२६चा प्रतिष्ठित बसव पुरस्कार

Spread the love

 

बेंगळूर : विधानपरिषदेचे माजी सदस्य महांतेश कवटगीमठ यांच्या शिक्षण व सहकार क्षेत्रातील उल्लेखनीय योगदानाची दखल घेत बेंगळूरच्या बसव परिषदेने त्यांना २०२६चा प्रतिष्ठित बसव पुरस्कार जाहीर केला आहे.

सार्वजनिक जीवनात कार्यरत असताना कवटगीमठ यांनी शिक्षण क्षेत्राच्या विकासासाठी तसेच शैक्षणिक संस्थांच्या प्रगतीसाठी योगदान दिले. विद्यार्थ्यांना दर्जेदार शिक्षण उपलब्ध करून देण्याबरोबरच सहकार क्षेत्रातही त्यांनी सक्रिय सहभाग घेत सहकारी व्यवस्थेला बळकटी देण्यासाठी कार्य केले आहे.

पुरस्कार वितरण समारंभ २ ऑक्टोबर रोजी सकाळी १० वाजता बेंगळूर येथील पॅलेस रोडवरील कोंडज्जी बसाप्पा सभागृहात होणार आहे. माजी मुख्यमंत्री बसवराज बोम्माई यांच्या अध्यक्षतेखाली होणाऱ्या या कार्यक्रमाला मंत्री लक्ष्मण सवदी, माजी मंत्री दिनेश गुंडुराव, पी. जी. आर. सिंदिया यांच्यासह विविध क्षेत्रांतील मान्यवर उपस्थित राहणार आहेत.

यावेळी माजी लोकायुक्त व निवृत्त न्यायमूर्ती एन. संतोष हेगडे, ज्येष्ठ अभिनेते शिवराजकुमार यांच्यासह विविध क्षेत्रांत उल्लेखनीय कार्य करणाऱ्या व्यक्तींनाही बसव पुरस्काराने सन्मानित करण्यात येणार आहे.

जगज्योती बसवेश्वरांच्या समानता, कर्म, सेवा आणि मानवी मूल्यांच्या तत्त्वांनुसार शिक्षण, सहकार, न्यायदान, कला, साहित्य, प्रशासन आणि समाजसेवा क्षेत्रात उल्लेखनीय कार्य करणाऱ्यांचा बसव परिषदेकडून सन्मान केला जातो. समाजासाठी योगदान देणाऱ्यांना प्रोत्साहन देणे आणि त्यांच्या कार्याचा गौरव करणे हा या पुरस्काराचा उद्देश असल्याचे परिषदेने म्हटले आहे.

About Belgaum Varta

Check Also

‘रात्र निवासाचे आम्ही स्टार’ म्हणत शिशू वर्गातील मुले रमली रात्रनिवास शाळेत

Spread the love  बेळगाव -मराठी विद्यानिकेतन शाळेमध्ये बालवाडीचा रात्रनिवास कार्यक्रम बेळगाव : शाळेचा परिसर म्हटला …

Leave a Reply

Your email address will not be published. Required fields are marked *