Sunday , November 22 2026
Breaking News

‘सप्तस्वर’चा चार्टर स्थापना सोहळा उत्साहात

Spread the love

 

बेळगाव : इंटरनॅशनल फेलोशिप ऑफ रोटेरियन म्युझिशियन्स (IFRM)च्या बेळगाव अध्याय ‘सप्तस्वर’चा चार्टर स्थापना सोहळा हॉटेल मनोरथ लॉर्ड्स इको इन येथे उत्साहपूर्ण वातावरणात पार पडला. संगीत, मैत्री आणि रोटरी बंधुभावाने नटलेल्या या सोहळ्याला रोटेरियन तसेच संगीतप्रेमींचा उत्स्फूर्त प्रतिसाद मिळाला.

या कार्यक्रमाचे आयोजन रोटरी क्लब ऑफ बेळगाव दर्पणच्या अध्यक्षा रोट. डॉ. स्फूर्ती मास्तीहोळी यांच्या नेतृत्वाखाली करण्यात आले. IFRM झोन ५, ७ आणि ८ चे मुख्य समन्वयक रोट. नरसिंह कन्नन हे प्रमुख पाहुणे म्हणून उपस्थित होते. तसेच IFRM झोन ७ चे प्रादेशिक समन्वयक रोट. रवी चक्रवर्ती आणि डिजिई रोट. अशोक नाईक यांची सन्माननीय उपस्थिती होती.

यावेळी बोलताना अध्यक्षा रोट. डॉ. स्फूर्ती मास्तीहोळी यांनी ‘सप्तस्वर’च्या ऐतिहासिक चार्टर स्थापना सोहळ्याचे आयोजन करण्याची संधी मिळाल्याबद्दल आनंद व्यक्त केला. प्रमुख पाहुणे व मान्यवरांनी ‘सप्तस्वर’च्या पुढील वाटचालीस शुभेच्छा देत विविध उपक्रमांबाबत मार्गदर्शन केले.

संगीताच्या माध्यमातून मैत्री, बंधुभाव आणि रोटरी फेलोशिप अधिक आनंददायी पद्धतीने जोपासता येते, असे मान्यवरांनी सांगितले. संगीत हे केवळ मनोरंजनाचे माध्यम नसून, माणसांना जोडणारे प्रभावी माध्यम असल्याचेही यावेळी नमूद करण्यात आले.

कार्यक्रमाला IFRMचे वरिष्ठ पदाधिकारी, रोटेरियन आणि संगीतप्रेमी मोठ्या संख्येने उपस्थित होते. सुरेल संगीताच्या सादरीकरणाने कार्यक्रमाला विशेष रंगत आली. त्यानंतर स्नेहभोजनाने कार्यक्रमाची सांगता झाली.

‘सप्तस्वर’च्या चार्टर स्थापनेमुळे बेळगावमधील रोटरी फेलोशिपला नवे आणि अर्थपूर्ण परिमाण प्राप्त झाले असून, संगीताच्या माध्यमातून मैत्री, सर्जनशीलता आणि एकोप्याची सुरेल वाटचाल सुरू झाली आहे.

About Belgaum Varta

Check Also

ज्योती सेंट्रलचा फुटबॉलपटू ध्यानेश राज्यात अव्वल

Spread the love    बेळगाव : दक्षिण महाराष्ट्र शिक्षण मंडळ संचलित ज्योती सेंट्रल स्कूल, कॅम्प, …

Leave a Reply

Your email address will not be published. Required fields are marked *