हिप्परगी जलाशयाच्या गेटवर तांत्रिक बिघाड! पाण्यामुळे गेट बंद करण्यात मोठी अडचण

बेळगाव : सीमावासीयांची जीवनवाहिनी असलेल्या कृष्णाला आता पुन्हा पाणीटंचाई निर्माण होण्याची भीती आहे. त्याचे कारण म्हणजे कृष्णा नदीच्या पलीकडे बांधण्यात आलेल्या हिप्परगी बॅरेजमध्ये आता तांत्रिक बिघाड झाला असून त्यातून मोठ्या प्रमाणात पाण्याची गळती होत आहे.
अथणी तालुक्यातील हिप्परगी बॅरेजचे 21 दरवाजे बंद करण्यात आले आहेत. आता केवळ सातवा दरवाजा उरला असून सुमारे तीन फूट अंतर असल्याने मोठ्या प्रमाणात पाण्याचा विसर्ग सुरु झाला आहे.सहा टीएमसी क्षमतेच्या हिप्परगी जलाशयात यापूर्वीच पाच टीएमसी पाणीसाठा झाला आहे. कृष्णा नदीची आवक 11 क्युसेक असल्याचे सांगण्यात येत असून तांत्रिक बिघाड अधिकाऱ्यांनी लवकरात लवकर दुरुस्त केल्यास पाणी साचण्याची शक्यता आहे.