पूर्ववैमनस्यातून न्यू गांधीनगर येथे तरुणावर चाकूने वार

बेळगाव : शुक्रवारी न्यू गांधीनगरमध्ये पूर्ववैमनस्यातून तरुणावर चाकूने वार केल्याची घटना आज घडली असून ज्या तरुणाने वार केला तो एका खून प्रकरणातील आरोपी आहे. तो सध्या जामीनावर सुटला आहे.

खून प्रकरणातील आरोपी असलेल्या मुझम्मिल याने दिशांत चावूस याच्याशी झालेल्या पूर्ववैमनस्यातून दिशांत चावूस याच्या छातीवर चाकूने वार केले. लागलीच गंभीर जखमी झालेल्या तरुणाला रुग्णालयात उपचारासाठी दाखल करण्यात आले आहे. त्याची प्रकृती गंभीर असून त्याच्यावर आयसीयूमध्ये उपचार सुरू आहेत. माळमारुती पोलिस स्थानकाचे सीपीआय बी. आर. गड्डेकर यांनी घटनास्थळी भेट देऊन पाहणी केली.