लोकसभा निवडणुकीसाठी इच्छुकांच्या अर्जाबाबत विचारविनिमय करण्यासंदर्भात समितीची रविवारी बैठक

खानापूर : खानापूर तालुका महाराष्ट्र एकीकरण समितीच्या वतीने रविवार दिनांक 07/04/2024 रोजी सकाळी ठीक 11 वाजता राजा शिवछत्रपती स्मारक येथे आगामी लोकसभा निवडणुकीसाठी इच्छुक उमेदवारांच्या अर्जाबाबत विचारविनिमय करण्यासाठी कार्यकारिणी सदस्यांची बैठक बोलाविण्यात आली आहे. तरी महाराष्ट्र एकीकरण समितीच्या कार्यकारिणी सदस्यांनी बैठकीस उपस्थित रहावे, असे आवाहन खानापूर तालुका महाराष्ट्र एकीकरण समितीचे अध्यक्ष गोपाळराव देसाई, कार्याध्यक्ष मुरलीधर पाटील, कार्याध्यक्ष निरंजन सरदेसाई, सरचिटणीस आबासाहेब दळवी यांनी कळविले आहे.