माडीगुंजी गावात डास निर्मूलन औषधाच्या फवारणीची मागणी

खानापूर : सध्या पावसाळा सुरू आहे. साचलेल्या पाण्यामुळे डासांची पैदास वाढली आहे. खानापूर तालुक्यातील माडीगुंजी गावात डास आणि माशांनी अक्षरशः थैमान घातले आहे. डेंग्यू, मलेरियासारखे रोग फैलावत आहेत. त्यामुळे ग्रामपंचायतीने वेळीच लक्ष घालून संपूर्ण गावात डास निर्मूलन औषधांची फवारणी करावी, अशी मागणी गावातील युवा कार्यकर्ते आणि नागरिकांनी ग्रामपंचायत पीडीओकडे निवेदनाद्वारे केली आहे.
निवेदन सादर करतेवेळी पंकज कुट्रे, संदीप घाडी, सुनील चव्हाण, संदेश पाटील, कार्तिक कुंभार, संतोष पाटील, किरण घाडी, संजय कुट्रे, सुमित गोरल, अनिल देसाई, राजू कोळी, परशराम मलिक, हेमंत पाटील आदी उपस्थित होते.