Belgaum Varta Belgaum Varta
बिष्णूपूरम : मणिपूरच्या बिष्णूपूर जिल्ह्यात शुक्रवारी (दि. ४) उशिरा सुरू झालेल्या संघर्षात तीनजण ठार झाले. परिसरातील अनेक घरेही अज्ञातांनी पेटवून दिली. सुरक्षा दल घटनास्थळी पोहोचले आहे. सशस्त्र दल आणि मणिपूर पोलिसांनी जिल्ह्यातील कांगवई आणि फुगाकचाओ भागात आंदोलकांना पांगवण्यासाठी अश्रुधुराच्या नळकांड्या फोडल्या.
हिंसाचारात तिघेजण ठार
बिष्णूपूर पोलिसांनी दिलेल्या माहितीनुसार, मणिपूरच्या बिष्णूपूर जिल्ह्यात पुन्हा एकदा हिंसाचार उफाळून आला आहे. शुक्रवारी (दि.४) उशिरा झालेल्या हिंसाचारात तिघांचा मृत्यू झाला. मृत हे क्वाक्ता भागातील मेईतेई समुदायातील असल्याची माहिती आहे. हिंसाचारात कुकी समाजाची अनेक घरेही जाळण्यात आली आहेत. पोलिस सूत्रांनी सांगितले की, मेईती महिला जिल्ह्यातील बॅरिकेडेड झोन ओलांडण्याचा प्रयत्न करत असताना ही घटना घडली. त्यांना आसाम रायफल्स आणि रॅपिड ऍक्शन फोर्स (RAF) यांनी रोखले, त्यामुळे दगडफेक आणि समुदाय आणि सशस्त्र दलांमध्ये संघर्ष झाला. केंद्रीय सैन्याने बिष्णुपूर जिल्ह्य़ातील क्वाकटा क्षेत्रापासून 2 किमी पुढे बफर झोन बनवला आहे.
मणिपूरच्या बिष्णुपूर जिल्ह्यात गुरुवारी (दि.२) सशस्त्र दल आणि मेईतेई समुदायाच्या आंदोलकांमध्ये झालेल्या संघर्षात १७ लोक जखमी झाल्याच्या दोन दिवसानंतर हे घडले आहे. या घटनेमुळे इम्फाळ पूर्व आणि इंफाळ पश्चिमच्या अधिकाऱ्यांना संचारबंदी शिथिलता मागे घेण्यास प्रवृत्त केले आहे. अधिकाऱ्यांनी खबरदारीचा उपाय म्हणून दिवसभरात हे निर्बंध लागू केले आहेत.
