Belgaum Varta Belgaum Varta
निपाणी (वार्ता) : येथील श्रीपेवाडी रोडवरील व्हीएसएम आयटी कॉलेज येथे पीयुसी जिल्हास्तरीय तायक्वांदो, ज्युदो व कराटे स्पर्धा पार पडल्या. स्पर्धेत तायक्वांदो या क्रीडा प्रकारात ५९ किलो वजन गटात मुलींच्या गटामध्ये सद्गुरु तायक्वांदो अकॅडमीच्या तनुजा पाटील हिने प्रथम क्रमांक पटकावला. तिला पारितोषिक व प्रमाणपत्र देऊन मान्यवरांच्या हस्ते गौरविण्यात आले. तिची राज्यस्तरीय स्पर्धेसाठी निवड झाली आहे.
जिल्हास्तरीय श स्पर्धेमध्ये बेळगाव जिल्ह्यातील निपाणी, चिकोडी, अथणी, रायबाग, गोकाक तालुक्यातील एकूण ८० पेक्षा जास्त मुला- मुलींनी सहभाग घेतला होता.
तनुजा पाटील हिला कॉलेजचे क्रीडा शिक्षक एस. सी. उदगट्टी, तायक्वांदो प्रशिक्षक बबन निर्मले यांचे मार्गदर्शन लाभले. स्पर्धा पंच म्हणून प्रवीण पाटील- संकेश्वर, उमाजी पवार -कागल, प्रथमेश भोसले, देवदत्त मल्लाडे, अर्जुन बूर्ली, महेश ठोंबरे, अरुण राठोड,ओमकार अलकनुरे, यांनी काम पाहिले. स्पर्धेसाठी बेळगाव जिल्हा तायक्वांदो संघटनेचे अध्यक्ष विजय बजंत्री, खजिनदार प्रवीण पाटील यांचे सहकार्य लाभले.
