Belgaum Varta Belgaum Varta
निपाणी (वार्ता) : येथील श्री महात्मा बसवेश्वर क्रेडिट सौहार्द संस्थेचे अध्यक्ष किशोर बाली यांनी नुकताच सहकार क्षेत्रातील माहिती घेण्यासाठी एक महिन्याचा अमेरिका या राष्ट्राचा दौरा यशस्वीरित्या पूर्ण करून ते निपाणीत परतले आहेत. त्यानिमित्त संस्थेतर्फे त्यांचा संस्थेचे संस्थापक सहकाररत्न संस्थापक डॉ. सी. बी. कुरबेट्टी चिकोडी सौहार्द फेडरेशन डेव्हलपमेंट अधिकारी जवाहर रवींद्र मुगन्नावर यांच्या हस्ते सत्कार करण्यात आला.
अध्यक्ष बाली यांनी, सहकार क्षेत्रात अनेक योजना असून त्यांचा अभ्यास तेवढा पूर्ण केला आहे. या पुढील काळात सभासद कर्जदार आणि ठेवीदारांसाठी विविध योजना राबविणे शक्य होणार असल्याचे सांगितले.
यावेळी संचालक प्रताप पट्टनशेट्टी, डॉ. एस.आर. पाटील, श्रीकांत परमने, सुरेश शेट्टी, महेश बागेवाडी, अशोक लिगाडे, दिनेश पाटील, राजेश पाटील, संचालिका पुष्पा कुरबेट्टी विजयाशेट्टी, सुवर्णा पट्टणशेट्टी, सीईओ एस. के अदन्नावर, असिस्टंट सीईओ महेश शेट्टी, भद्रेस फुटाणे, विद्या कमते, महादेव बडगीर, सुरज घोडके चंद्रकांत हंबर व कर्मचारी उपस्थित होते. सुजाता जाधव यांनी सूत्रसंचालन केले. दिलीप गायकवाड यांनी आभार मानले.
