Belgaum Varta Belgaum Varta
महिला, अनुसूचित जाती-जमाती आणि मागासवर्गीय प्रवर्गांसाठी जागा निश्चित; राजकीय समीकरणे बदलण्याची शक्यता
खानापूर : खानापूर तालुक्यातील जिल्हा पंचायत आणि तालुका पंचायत समितीच्या आगामी निवडणुकांसाठी आरक्षण जाहीर झाले आहे. तालुका पंचायत समितीच्या २० गणांसह जिल्हा पंचायत मतदारसंघांचे आरक्षण निश्चित झाल्याने तालुक्यातील राजकीय हालचालींना वेग येण्याची शक्यता आहे. आरक्षणानुसार इच्छुक उमेदवारांना आता आपली निवडणूक रणनीती आखावी लागणार आहे.
महिला, अनुसूचित जाती-जमाती तसेच मागासवर्गीय प्रवर्गांसाठी जागा राखीव झाल्याने विविध राजकीय पक्षांतील उमेदवार निवडीला महत्त्व प्राप्त झाले आहे. काही मतदारसंघांत महिला उमेदवारांना संधी मिळणार असल्याने स्थानिक राजकारणात नव्या चेहऱ्यांना संधी मिळण्याची शक्यता आहे.
जिल्हा पंचायत मतदारसंघनिहाय आरक्षण
– जांबोटी – सर्वसाधारण
– गलंगुजी – सर्वसाधारण (महिला)
– पारिश्वाड – अनुसूचित जाती (महिला)
– कक्केरी – अनुसूचित जमाती (महिला)
– नंदगड – मागासवर्गीय अ (महिला)
– लोंढा – सर्वसाधारण (महिला)
तालुका पंचायत समितीच्या २० गणांचे आरक्षण
१. कणकुंबी – प्रवर्ग अ (महिला)
२. जांबोटी – सर्वसाधारण
३. नेरसा – सर्वसाधारण (महिला)
४. निहूर – प्रवर्ग ब (महिला)
५. हलकर्णी – सर्वसाधारण
६. गलंगुजी – प्रवर्ग अ
७. देवलत्ती – सर्वसाधारण
८. पारिश्वाड – सर्वसाधारण
९. हिरेमुन्नोळी – सर्वसाधारण (महिला)
१०. इटगी – सर्वसाधारण
११. गंदिगवाड – अनुसूचित जमाती (महिला)
१२. बीडी – सर्वसाधारण (महिला)
१३. केरवाड – सर्वसाधारण
१४. कक्केरी – अनुसूचित जाती (महिला)
१५. हलशी – सर्वसाधारण (महिला)
१६. नंदगड – अनुसूचित जाती
१७. हेब्बाळ – प्रवर्ग अ (महिला)
१८. गुंजी – प्रवर्ग अ
१९. लोंढा – प्रवर्ग अ (महिला)
२०. गोडदोळी – प्रवर्ग अ
उमेदवार निवडीकडे राजकीय पक्षांचे लक्ष
आरक्षण जाहीर झाल्याने इच्छुक उमेदवारांच्या हालचाली वाढण्याची शक्यता आहे. आरक्षणामुळे काही उमेदवारांना पर्यायी मतदारसंघांचा विचार करावा लागू शकतो, तर महिला आरक्षित गणांमध्ये महिला उमेदवारांचा शोध घेण्याचे आव्हान राजकीय पक्षांसमोर असेल.
आता संभाव्य उमेदवारांची निवड, पक्षांतर्गत चर्चा आणि निवडणुकीच्या रणनीतींना वेग येण्याची शक्यता आहे. निवडणुकीचा अधिकृत कार्यक्रम जाहीर झाल्यानंतर खानापूर तालुक्यातील राजकीय वातावरण आणखी तापण्याची चिन्हे आहेत.
