Tuesday , June 25 2024
Breaking News

एलपीजी गॅस सिलिंडर तब्बल 250 रुपयांनी महागला

Spread the love


नवी दिल्ली : एप्रिल महिन्याच्या सुरुवातीलाच गॅस सिलिंडर दरवाढीचा फटका बसला आहे. 19 किलो वजनाच्या व्यावसायिक एलपीजी गॅस सिलिंडरच्या दरात तब्बल 250 रुपयांची वाढ झाली आहे. यामुळे व्यावसायिक एलपीजी गॅस सिलिंडरची किंमत आता 2,253 रुपयांवर पोहोचली आहे. ही दरवाढ आजपासून लागू झाली आहे. दरम्यान, घरगुती गॅस सिलिंडरच्या दरात वाढ झालेली नाही.
19 किलो वजनाच्या एलपीजी सिलिंडरची किंमत 1 मार्च रोजी 2012 रुपये होती. तर 22 मार्च रोजी त्यात घट होऊन दर 2003 रुपयांवर आला. पण आज 1 एप्रिल रोजी या सिलिंडरची किंमत 2,253 रुपयांवर पोहोचली आहे. मुंबईत या सिलिंडरसाठी आता 1,955 रुपये ऐवजी 2205 रुपये मोजावे लागणार आहेत. कोलकातामध्ये 2,351 रुपये, चेन्नईत 2,406 रुपये मोजावे लागणार आहेत. याआधी 1 मार्च रोजी 19 किलो वजनाच्या सिलिंडरची किंमत 9 रुपयांनी कमी झाली होती.
1 एप्रिल म्हणजेच आजपासून 2022-23 हे आर्थिक वर्ष सुरू होत आहे. याचबरोबर अनेक नियमही बदलतील. याचा परिणाम आपली कमाई, खर्च आणि गुंतवणुकीवर पडणार आहे.

About Belgaum Varta

Check Also

दिल्लीचे मुख्यमंत्री अरविंद केजरीवाल यांना जामीन मंजूर; ईडीला न्यायालयाकडून झटका

Spread the love  नवी दिल्ली : दिल्लीचे मुख्यमंत्री अरविंद केजरीवाल यांना जामीन मंजूर झाला आहे. …

Leave a Reply

Your email address will not be published. Required fields are marked *