बेनाडी येथे उद्या मॅरेथॉन स्पर्धा

निपाणी (वार्ता) : बोरगाव येथील युवा नेते युवा नेते उत्तम पाटील युवाशक्ती बोरगाव यांच्यावतीने बेनाडी (ता. निपाणी) येथे मंगळवारी (ता.२२) भव्य खुल्या मॅरेथॉन स्पर्धेचे आयोजन करण्यात आले आहे.

पुरुष गटासाठी ५ किलोमीटर अंतर असून प्रथम ते पाचव्या क्रमांकापर्यंत अनुक्रमे ७ हजार रुपये, ५ हजार रुपये, ३ हजार रुपये, २ हजार रुपये, १ हजार रुपये अशी आकर्षक बक्षिसे दिली जाणार आहेत. तर महिला गटासाठी३ किलोमीटर अंतर असून विजेत्या स्पर्धकांना अनुक्रमे ३ हजार रुपये, २ हजार रुपये, १ हजार रुपये, ७०० रुपये, ५०० रुपये अशी बक्षिसे देण्यात येणार आहेत. गावगन्ना पुरुष गटासाठी अनुक्रमे ३ हजार रुपये, २ हजार रुपये, १ हजार रुपये, ७०० रुपये, ५०० रुपये अशा बक्षिसांबरोबरच बालाजी ज्वेलर्स यांच्याकडून सर्व विजेत्यांना ट्रॉफी देण्यात येणार आहेत. इच्छुकांनी या मॅरेथॉन स्पर्धेत सहभागी होण्याचे आवाहन संयोजकांतर्फे करण्यात आले आहे.